Nikaian-Konstantinopolin uskontunnustus latinaksi
Symbolum Nicaenum-Constantinopolitanum
Credo in unum Deum,
Patrem omnipotentem,
factorem caeli et terrae, visibilium omnium et invisibilium.
Et in unum Dominum Iesum Christum,
Filium Dei unigenitum,
et ex Patre natum ante omnia saecula,
Deum de Deo,
lumen de lumine,
Deum verum de Deo vero,
genitum non factum,
consubstantialem Patri,
per quem omnia facta sunt,
qui propter nos homines et propter nostram salutem descendit de caelis
et incarnatus est de Spiritu sancto ex Maria virgine
et homo factus est,
crucifixus etiam pro nobis sub Pontio Pilato,
passus et sepultus est,
et resurrexit tertia die, secundum scripturas,
et ascendit in caelum,
sedet ad dexteram Patris,
et iterum venturus est cum gloria, iudicare vivos et mortuos;
cuius regni non erit finis.
Et in Spiritum sanctum,
Dominum et vivificantem,
qui ex Patre Filioque procedit,
qui cum Patre et Filio simul adoratur et conglorificatur,
qui locutus est per prophetas.
Et unam sanctam catholicam et apostolicam ecclesiam.
Confiteor unum baptisma in remissionem peccatorum.
Et exspecto resurrectionem mortuorum,
et vitam venturi saeculi.
Amen.
Yllä oleva uskontunnustuksen latinankielinen teksti on sama kuin Katolisen kirkon katekismuksessa. Ainoastaan välimerkkien ja isojen alkukirjainten käyttöä on muokattu hieman.