EPISTULA 25
Cyprianus Caldonio fratri salutem.1 Accepimus litteras tuas, frater carissime, satis sobrias et integritatis ac fidei plenas. Nec miramur si exercitatus et in scripturis dominicis peritus caute omnia et consulte geras. Recte autem sensisti circa inpertiendam fratribus nostris pacem quam sibi ipsi vera paenitentia et dominicae confessionis gloria reddiderunt sermonibus suis iustificati quibus se ante damnaverant. Cum ergo abluerint omne delictum et maculam primam adsistente sibi Domino posteriore virtute deleverint, iacere ultra sub diabolo quasi prostrati non debent, qui extorres facti et bonis suis omnibus spoliati erexerunt se et cum Christo stare coeperunt.
2 Atque utinam sic et ceteri post lapsum paenitentes in statum pristinum reformentur, quos nunc urgentes et pacem temere atque inportune extorquentes quomodo disposuerimus ut scires, librum tibi cum epistulis numero quinque misi quas ad clerum et ad plebem et ad martyres quoque et confessores feci. Quae epistulae iam1 plurimis collegis nostris missae placuerunt, et rescripserunt se quoque nobiscum in eodem consilio secundum catholicam fidem stare. Quod ipsum tu etiam ad collegas nostros quos potueris transmittes, ut apud omnes unus actus et una consensio secundum Domini praecepta teneatur. Opto te, frater carissime, semper bene valere.
Viitteet ja selitykset
Cyprianuksen kirjeen yllä oleva latinankielinen teksti on sama kuin editiossa Diercks 1994 CCSL 3 B. Kirjeen käsikirjoituksissa on ainoastaan yksi merkittävä variantti; Se mainitaan alla nootissa 1. Sitä lukuun ottamatta kirjeen teksti on sama myös editioissa Hartel 1871 CSEL 3,2 ja Bayard 1925. Kirjeen suomennos on saatavilla tästä linkistä.
1) Osassa käsikirjoituksista on sanan 'iam' paikalla sana 'etiam'. Diercksin editiossa lukee 'iam'. Hartelin ja Bayardin editioissa on 'etiam'.